"Min bir gecə" serialının qəhrəmanlarının Bakıya gəlişi bu yay baş tutmalı idi. Onlarla telefon danışığı zamanı təklifə etiraz etməmişdilər. Lakin sonradan Şəhrizad rolunun iştirakçısı Bergüzar xanım yay istirahətini Amerikada seçdiyi üçün planlarda dəyişiklik oldu. Artıq serialın növbəti bölümünün çəkilişləri başlayıb və səfərdən söhbət gedə bilməz". Bu sözləri qəzetimizə aktyorları qızının istəyi ilə Bakıya dəvət edən müğənni Aybəniz Haşımova deyib.
   Onun sözlərinə görə, aktyorlara verilən istirahət günlərinin birində onlarla aktrisa Məlahət Abbasovanın təşəbbüsü ilə yenidən telefon bağlantısı yaradılacaq. Əgər razılıq əldə olunsa, hər iki aktyorun Bakı səfəri payız aylarında reallaşa bilər.
   Aybəniz xanım türkiyəli aktyorlarla yerli mətbuat işçilərini də bir araya gətirmək istəyir. Əgər onların razılığı olarsa, görüş səfərin növbəti gününə təsadüf edəcək. Əslən Gəncədən olan Aybəniz Haşımova söhbəti zamanı Qarabağ niskilindən danışan şeir yazdığını bildirdi. Sətirlərin çoxdan bəri beynində dolaşdığını deyən müğənni onları bu günlərdə ağ kağıza köçürüb. Onun sözlərinə görə, "Qarabağ balladası" adlanan şeirə müğənni-bəstəkar Ramal Yaquboğlu tərəfindən musiqi yazılıb: "Hazırda yerli səsyazma studiyalarının birində albom hazırlanır. Təklifi studiya rəhbərliyindən almışam. Topluda 15 mahnım işıq üzü görəcək. Həmin təklifdən sonra mahnını hazırlayıb alboma daxil etmək istədim. Kollektivin təşəbbüsü ilə albom "Ömür nəğmələrim" adlandırılacaq".
   Müğənninin əlavəsinə görə, alboma onun ifasında vaxtilə məşhur olan bir neçə mahnı yenilənmiş variantda daxil ediləcək. Toplunun 3 aydan sonra işıq üzü görəcəyi bildirilir.
   

İki aydan çox pəhrizə oturub maksimum kilo verən müğənni Elmira Ələkbərzadə artıq yaradıcılığındakı fasiləyə son qoyub. Uzun aylar efirdə və səhnədə görünməyən müğənni indi durmadan çalışır. Hətta onun yaradıcılıq planları ölkə hüdudlarını aşaraq bir sıra ölkələrin musiqi şirkətlərinə doğru yol alıb. Müğənninin qəzetimizə bildirdiyinə görə, hazırda o, Nyu-Yorkda yerləşən səsyazma studiyalarının biri ilə çalışır. Fərqli ifada fərqli səs yazısı göstərmək niyyətində olan müğənni bir neçə gün öncə ərsəyə gətirdiyi yaradıcılıq məhsulundan söz açdı. Bildirdi ki, lirik notlara söykənən "Yağış" adlı mahnı yazdırıb. Sözü və musiqisi müğənninin özünə məxsus olan mahnının aranjiman işi Nyu-Yorkun səsyazma studiyalarının birində aparılıb. Lakin müğənni mahnının tezliklə səsləndirilməsini istəmir: "Silsilə mahnılarla qayıtmaq istəyirəm. Hazırda gərgin iş rejimindəyəm və bir-birinin ardınca mahnılar yazılır. Bunların hamısı Nyu-Yorkda ərsəyə gətirilir. Musiqi savadım mahnılarımı özümün bəstələməyimə imkan verir. Atam Çingiz Ələkbərzadə isə yazıçı olduğundan poeziyaya böyük həvəsim var və şeirlər yazıram. Bundan sonra müəlliflərlə müraciət etməyi düşünmürəm. Hətta bəzi həmkarlarıma mahnı təqdim etmək niyyətindəyəm".
   Söhbətinin davamında müğənni bildirdi ki, mahnı boğçasından seçim edib klip çəkdirmək istəyir. Lakin buna qədər o, səsyazma studiyası ilə işbirliyini yekunlaşdırmalıdır. Onun sözlərinə görə, sentyabrın sonuna kimi bu prosesi geridə qoyacaq. Həmin ərəfədə yeni mahnılar radio dalğalarına ötürüləcək. Oktyabrda isə Elmira Ələkbərzadənin mahnılarından birinə ekran həyatı veriləcək.
   

Oktyabrın 16-dan 22-dək Tatarıstanın paytaxtı Kazanda IX "Qızıl minbər" beynəlxalq müsəlman filmləri festivalı keçiriləcək. Artıq festivalda nümayiş etdirilmək üçün 58 film göndərilib. Bunlardan 24-ü tammetarjlı, 13-ü qısametrajlı bədii, 21-i isə sənədli filmdir. Müsəlman filmləri festivalında Bosniya və Herseqovina, Banqladeş, Əfqanıstan, Qazaxıstan, İordaniya, Səudiyyə Ərəbistanı, Fələstin, Türkiyə, İndoneziya, Suriya, İran, Hindistan, Mərakeş, Misirlə yanaşı Azərbaycan da təmsil olunacaq. Mədəniyyət və Turizm Nazirliyinin kinematoqrafiya şöbəsindən verilən məlumata görə, festivalda nümayiş etdirilməsi üçün "Hökmdarın taleyi" filmi təşkilat komitəsinə göndərilib.
   

Artıq bir neçə gündür Tehran şəhərində Novruz bayramını qeyd edən ölkələrin ikinci əlaqələndirici iclası keçirilib. İclasın keçirilməsində məqsəd Novruz bayramının Bəşəriyyətin Qeyri-Maddi Mədəni İrsinin Reprezentativ Siyahısına daxil edilməsi ilə əlaqədar müvafiq sənədlərin hazırlanması və YUNESKO-ya təqdim edilməsidir. Mədəniyyət və Turizm Nazirliyinin mətbuat katibi Zöhrə Əliyeva bildirib ki, iclasda Azərbaycan və İran nümayəndələri ilə yanaşı, Əfqanıstan, Hindistan, Qazaxıstan, Qırğızıstan, Pakistan, Tacikistan, Türkiyə və Özbəkistan təmsilçiləri də iştirak ediblər. İclasda Azərbaycanı Mədəniyyət və Turizm Nazirliyinin mədəniyyət siyasəti şöbəsinin müdiri Fikrət Babayev və Nizami adına Azərbaycan Milli Ədəbiyyat muzeyinin Beynəlxalq əlaqələr şöbəsinin müdiri Ş.Əlibəyli təmsil ediblər. Qeyd edək ki, tədbirə ötən gün yekun vurulub.
   

Müğənni Abbasın rəhbərlik etdiyi "A-trio" qrupunun parçalanacağı barədə söhbətlər özünü doğrultmağa başlayıb. Qrup heyətinin son günlər verdiyi açıqlamalar xəbərin doğruluğuna işarə vurur. Qəzetimizdə bu və ya digər məqamlara aydınlıq gətirən qrupun üzvlərindən bəstəkar-müğənni Ramal bildirdi ki, yaxın günlərdə qrup həqiqətən də dağılacaq: "Biz qrupu parçalayıb, sonra yenidən birləşdirməyi düşünürük. Yəni köhnə heyət heç yana getmir. Mənim solo karyeraya başlayacağım barədə yayılan xəbərlər də yanlışdır. Yaxın günlərdə doğma qardaşım Valehi qrupa dəvət edərək 3 nəfərlik heyəti tamamlamışıq. Bizim gələcək üçün böyük niyyətlərimiz var". Öyrəndik ki, "A-trio" adı altında fəaliyyət göstərəcək qrup böyük nailiyyətlərə imza atmaq niyyətindədir. Bu isə 3 ifaçının imkanları səviyyəsinə sığmır. Ramalın əlavəsinə görə, parçalanandan sonra qrup geniş heyətlə birləşəcək. Belə ki, bura 15 nəfərdən ibarət musiqiçi qrupunun cəlb olunması layihənin planına daxil edilib: "Musiqiçilər daha çox xalq çalğı alətlərinin ifaçıları arasından seçiləcək. Eyni zamanda Avropa musiqi alətlərinin imkanlarına da qrupda yer ayrılacaq. Dünyaya çıxış üçün bu, mütləqdir. Eyni zamanda iki qız müğənnisi ilə sıralarımızı genişləndirməyi düşünürük. Onların kimliyi arasında hələlik seçim aparılır".
    "Ramazan ayına sayılı günlər qaldığından, oğlan toyunu bayramdan sonrakı günlərə keçirmişik. Çox güman ki, toy oktyabrın sonları keçiriləcək. Qız toyunda hər iki ailənin ailə üzvləri, qohum-əqrəbalarımız iştirak ediblər. Sənətçi dostlarımın dəvəti növbəti toyda olacaq". Söhbəti zamanı Ülvi ailə qurduğu insanı yaxın qohumları arasından valideynlərinin məsləhəti ilə seçdiyini sözünə əlavə etdi.
   
   
   
   
   
   
   

"Şeron" qrupunun rəhbəri Ülvi Cəfərov hələ iki ay öncə ailə quracağı barədə xəbərləri təkzib edərək, bunu şayiə adlandırmışdı. Lakin bu günlərdə o, özü-özünü təkzib edərək subaylığın daşını atmağa qərar verdiyini söylədi. Müğənninin bildirdiyinə görə, bu yaxınlarda qız toyu olub. Həmin mərasimi Ülvi Cəfərovun rəhbərlik etdiyi "Şeron" qrupunun üzvləri idarə ediblər. Məclisə həmkarlarını dəvət etmədiyini söyləyən musiqiçi bunu oğlan toyunda reallaşdıracağını bildirdi: