İtaliyanın ən güclülərindən olan "Milan" hazırki heyətini daha da gücləndirməyi planlaşdırır. Belə ki, onlar "Lion"da çıxış edən hücumçu Karim Benzema ilə yaxından maraqlanırlar və onun transferi üçün artıq danışıqlara da başlayıblar. UEFA-nın rəsmi internet ünvanının yaydığı xəbərlərə əsasən, Karlo Ançelottinn komandası bu futbolçunun qarşılığında fransızlara 12 milyon funt sterlinq təklif edib. Çoxları sözügedən futbolçunun "qırmızılar-qaralar"dan gələn təkliflə razılaşacağını hesab edir. Bundan əlavə, təcrübəli hücumçu sonuncu müsahibələrinin birində əgər əlverişli təklif gələrsə, "Lion"u tərk edəcəyini bildirib. Bu isə "Milan"a futbolçunun transferi üçün şans yaradır. Lakin sözügedən 20 yaşlı futbolçu ilə maraqlanan təkcə Ançelottinin komandası deyil. Belə ki, İngiltərənin "Mançester Yunayted" İspaniyanın isə "Real" və "Barselona" klubları da bu futbolçuya yaxından maraq göstərir və onun transfer olunması üçün "Lion" rəsmiləri ilə danışıqlar aparmaqdadırlar.